Türkiyədəki qaz qovşağı Avropaya qaz tədarükünün təhlükəsizliyini təmin edəcək - Alparslan Bayraktar

Türkiyə ərazisində qaz qovşağının yaradılması Avropa ölkələrinin enerji təchizatının təhlükəsizliyini təmin edəcək.

Busaat.az xəbər verir ki, bu sözləri Türkiyənin Energetika Nazirliyinin rəhbəri Alparslan Bayraktar deyib.

“Türkiyəyə tədarük ediləcək qaz xüsusilə Cənub-Şərqi Avropanın enerji təchizatının təhlükəsizliyinin təmin edilməsinə çox mühüm töhfə verəcək. Bu cür enerji əməkdaşlığı uzunmüddətli perspektivdə regional münaqişələrin həllinə töhfə verir”, –  nazir bildirib.

Rusiya prezidenti Vladimir Putin ötən həftə Türkiyə ərazisində qaz qovşağının yaradılmasının gündəmdə qaldığını vurğulayıb.

Onun sözlərinə görə, layihə Türkiyənin qitəyə qaz tranzit ölkəsi kimi artan rolunu nəzərə alaraq, Avropaya qaz tədarükü üçün elektron ticarət platformasının yaradılmasını nəzərdə tutur.

Busaat.az