Türkiyədən gətirilən dərmanlar sayəsində Gürcüstanda dərmanların qiyməti 60-80 faiz ucuzlaşdı
“Türkiyə bazarı açıldıqdan sonra Gürcüstanda dərman qiymətlərini 60-80 faizə qədər əhəmiyyətli dərəcədə aşağı sala bildik”.
Busaat.az xəbər verir ki, bunu Gürcüstanın baş naziri Qaribaşvili deyib.
Gürcüstanın baş naziri İrakli Qaribaşvili Tbilisidə hökumət binasında çıxışı zamanı 2022-ci ili Gürcüstan üçün dəyərləndirib.
Gürcüstanın ərazi bütövlüyü ilə bağlı problemlərin olduğunu deyən Qaribaşvili, ölkəsindən birtərəfli qaydada müstəqilliklərini elan edən və Rusiyanın dəstəklədiyi Abxaziya və Cənubi Osetiyada insanların ağır şəraitdə yaşadıqlarını bildirib.
Ölkənin ərazi bütövlüyünün bərpası üçün dinc üsullardan istifadə etməyə davam edəcəklərini bildirən Qaribaşvili deyib: “Təbii ki, bizim siyasətimiz sülhsevərdir, bütün bu müharibələrin yaralarını sarmaq istəyirik”.
Bu ilin əvvəlindən Türkiyədən dərman idxalına başladıqlarını xatırladan Qaribaşvili, “Türkiyə bazarı açıldıqdan sonra dərman qiymətlərini 60-80 faiz miqdarında aşağı sala bildik” – deyə, qeyd edib.
Busaat.az
