Almaniyanın xarici işlər naziri Annalena Berbok Türkiyənin Aİ-yə daxil olması ilə bağlı danışıqlar prosesinin son illərdə nəinki səngidiyini, hətta dərin dalana girdiyini bildirib
Busaat.az xəbər verir ki, o, bu barədə Brüsseldə Aİ xarici işlər nazirlərinin görüşündən deyib.
“Bizim Aİ-yə qoşulma prosesi ilə bağlı çox aydın qaydalarımız var”, – Berbok vurğulayıb.
“Son illərdə danışıqların nəinki dalana dirənməsi, hətta deyərdim ki, donmuş vəziyyətdə qalması onunla izah edilir ki, zəruri olan əsas fəsillər qanunun aliliyi, insan hüquqlarının müdafiəsi nəinki həyata keçirilməyib, hətta bundan çox uzaqdır”, – Berbok qeyd edib.
Eyni zamanda nazir Türkiyə ilə təmasların davam etdirilməsinin vacibliyini xatırladıb.
Qeyd edək ki, NATO-nun Vilnüs sammitindən sonra Türkiyə prezidenti Rəcəb Tayyib Ərdoğan ölkəsinin Aİ-yə üzvlüklə bağlı danışıqlar prosesini sürətləndirmək niyyətini açıqlayıb.
Busaat.az
