“Türkiyənin gələcək addımları Brüsseli tərəqqiyə sövq edə bilər” - “Hürriyət”

Aİ Türkiyənin üzvlüyünü sürətləndirmək üçün addımlar atmaq niyyətində olmadığını gizlətmir.

Busaat.az xəbər verir ki, bu barədə “Hürriyət” məlumat yayıb.

“Türkiyə Aİ üzvlüyünün strateji məqsəd olduğunu bəyan etməyə davam etsə də, bu proses uzun illərdir ki, dayandırılıb, hətta danışıqlar da faktiki olaraq dayanıb. Məhz Türkiyənin gələcək addımları Brüsseli tərəqqiyə sövq edə bilər”, – qəzet bildirir.

Bildirilir ki, Ankaranın NATO-nun Vilnüs Zirvə Toplantısı ərəfəsində verdiyi mesajlar Türkiyə ilə Aİ arasında uzun müddətdir heç bir ciddi hərəkətin müşahidə olunmadığı münasibətlərin canlandırılması ilə bağlı müzakirələri aktivləşdirib.

Bundan əvvəl Türkiyə prezidenti Rəcəb Ərdoğan İsveçin NATO-ya üzvlüyünün Türkiyənin Aİ-yə daxil olmasından sonra mümkün olacağını bildirmişdi.

Busaat.az