
Türkiyənin Şilə bölgəsində bütün çimərliklər bağlanıb
Qara dənizin İstanbul yaxınlığında yerləşən Şilə kurortunun bütün çimərlikləri ərazidə aparılan araşdırmalar səbəbindən bağlanıb.
Busaat.az bu barədə Türkiyə mətbuatına istinadən xəbər verir.
Məlumata görə, Şilədə dalğıclar ən azı 28 partlamamış hərbi sursat aşkar ediblər, onlardan səkkizi sonradan məhv edilmək üçün sahilə çıxarılıb.
Qeyd edilir ki, hazırda şəhərdə bütün çimərliklər bağlıdır, nə vaxt açılacağı barədə məlumat verilmir. İstehkamçılar əraziyə baxış keçirməyə davam edir, həm köhnə, həm də nisbətən yeni minalar aşkarlanıb.
Busaat.az























