Üçüncü Dünya Müharibəsinin qarşısını alacağam - Donald Tramp

2024-cü ildə ABŞ-da keçiriləcək prezident seçkilərində namizədliyini irəli sürəcəyini açıqlayan sabiq prezident Donald Tramp Co Bayden administrasiyasını “uğursuzluq”da ittiham edib.

Busaat.az bu barədə xarici mətbuata istinadən xəbər verir.

“Əgər siz Amerika tarixinin ən pis beş prezidentini götürsəydiniz və onları bir araya gətirsəydiniz, Baydenin bir neçə il ərzində millətimizə vurduğu ziyanı etməzdilər”, – Tramp deyib .

Tramp Baydenin vəzifədə olduğu ilk illərdə inflyasiya, immiqrasiya, cinayət və təhsil kimi bir sıra problemlərlə üzləşdiyinə işarə edərək, deyib: “Belə fəlakətli və uğursuz prezidentlik dövründə onun yenidən seçkilərə qatılmaq barədə düşünməsi, demək olar ki, ağlasığmazdır. Bütün Amerika tarixində bir-birinin ardınca iki administrasiya arasında bu qədər böyük münaqişə olmayıb. Bizimki böyüklük, onlarınkı isə uğursuzluqdur.”

“Seçkilərdə sizin dəstəyinizlə 2024-cü ildə Co Baydeni məğlub edəcəyik. İqtisadiyyatımızı xilas edəcəyik. İnflyasiyanı əzəcəyik. Cənub sərhədimizdə işğalı dayandıracağıq. Millətimizin reputasiyasını bərpa edəcəyik. Üçüncü Dünya Müharibəsinin qarşısını alacağıq”, – o, əlavə edib.

Busaat.az