UFO-ların vurulması diqqəti “Şimal axını” təxribatından yayındırmaq məqsədi daşıyır - Edvard Snouden

Şimali Amerika üzərində vurulan üç naməlum obyekt ətrafında vəziyyət diqqəti  “Şimal axını” qaz kəmərlərində baş verən təxribatlardan yayındırmaq məqsədi daşıyır.

Busaat.az xəbər verir ki, bu sözləri Keçmiş NSA (Milli Təhlükəsizlik Agentliyi) əməkdaşı Edvard Snouden bildirib.

Snouden “Twitter”də ABŞ və Kanadada hava şarlarının və UFO-ların vurulmasını şərh edərkən deyib: “Kaş ki, yadplanetlilər olaydı, amma onlar deyil”. Bu, sadəcə olaraq, köhnə mühəndis çaxnaşmasıdır”.

Fevralın 8-də ABŞ-li araşdırmaçı jurnalist Seymur Herş “NATO-nun “BALTOPS 22” kimi tanınan geniş təlimi altında fəaliyyət göstərən Hərbi Dəniz Qüvvələrinin dalğıclarının uzaqdan işə salınan partlayıcıları Rusiya qazının altına yerləşdirdiklərini” iddia edən məqalə dərc edib. Herşin sözlərinə görə, Bayden boru kəmərlərində təxribat etmək qərarına Vaşinqtonun milli təhlükəsizlik icması daxilində doqquz aydan çox davam edən gizli müzakirələrdən sonra gəlib.

Ağ Evin Milli Təhlükəsizlik Şurasının sözçüsü Adrienne Watson TASS-a açıqlamasında, Herşin dediklərinin tamamilə yalan və tam uydurma olduğunu söyləyib.

Qeyd edək ki, keçən həftə Şimali Amerika Aerokosmik Müdafiə Komandanlığı (NORAD) daha üç “naməlum obyekt” qeydə alaraq onlardan ikisinin ABŞ ordusu tərəfindən, digərinin isə Kanada ərazisi üzərində vurulduğunu açıqlayıb.

Bildirilib ki, hər üç obyekt Çin şarından xeyli kiçik olub, və zahiri görünüşünə görə oxşar deyil.

Busaat.az