Ukrayna Aİ-yə üzvlüklə bağlı danışıqlara başlamağa hazırdır - Zbiqnev Rau

Ukrayna yaxın gələcəkdə Aİ-yə daxil olmaq üzrə danışıqlara başlamağa hazır olacaq.

Busaat.az xəbər verir ki, bu barədə Polşanın xarici işlər naziri Zbiqnev Rau bildirib.

“Ukrayna ən qısa zamanda Avropa Birliyinə üzv olmalıdır”, – nazir deyib.

“Ukrayna tezliklə üzvlük danışıqlarına başlamağa hazır olacaq. Əgər belədirsə, Aİ də bu ilin sonuna qədər, müntəzəm payız genişlənmələri hesabatından sonra hazır olmalıdır”, – diplomat qeyd edib.

Qeyd edək ki, Avropa Komissiyasının Aİ-nin genişlənməsi ilə bağlı hesabatında namizəd ölkələrin, o cümlədən Ukraynanın üzvlük danışıqlarına başlamağa hazır olma dərəcəsi qiymətləndiriləcək. Sənəd oktyabrda dərc olunacaq. “Politico” qəzetinin yazdığına görə, indiyədək Ukrayna danışıqların başlanması üçün yeddi meyardan ikisini az-çox yerinə yetirib.

Busaat.az