"Ukrayna çətin ki, hər hansı sülh çağırışlarını qiymətləndirsin” - Rusiya XİN

Moskva Pekinin Ukrayna məsələsində danışıqlar prosesinin başlanması üçün səy göstərmək istəyini nəzərə alıb, lakin Kiyev çətin ki, sülh çağırışlarını qiymətləndirsin.

Busaat.az xəbər verir ki, bu sözləri Rusiya Xarici İşlər Nazirliyinin sözçüsü Mariya Zaxarova  bildirib.

“Biz Çinin danışıqlar prosesinin başlanması üçün səy göstərmək istəyini qeyd etdik. Bizim fundamental yanaşmalarımızın Çin Xarici İşlər Nazirliyinin fevralın 24-də açıqladığı mövqe sənədinə uyğun olduğunu görə bilərik”, – o, deyib.

“İndiyə qədər Kiyev rejimi Ukrayna böhranının siyasi və diplomatik həllinə yönəlmiş bütün ağlabatan təşəbbüsləri rədd edir”, – Zaxarova qeyd edib.

Diplomat bildirib ki, Ukrayna hakimiyyəti və onların Qərb sponsorları sülh təşəbbüslərini necə ikinci plana atacaqlarını artıq açıq şəkildə bəyan ediblər.

“Bununla da Vaşinqtonun marionetləri çətin ki, hər hansı sülh çağırışlarını qiymətləndirsin”, – diplomat əlavə edib.

O, həmçinin qeyd edib ki, Ukraynada Kommunist ideyaları və Kommunist Partiyası rəsmən qadağan edilib, Ali Radanın (parlament) Beynəlxalq Əlaqələr Komitəsinin rəhbəri Aleksandr Merejko isə bu yaxınlarda beynəlxalq ictimaiyyətin Tayvanı Çinin bir hissəsi kimi tanımasını “kommunistlərin yanlış təsəvvürü” olduğunu iddia edib.

Busaat.az