ABŞ Ukraynanı əks-hücum üçün lazım olan hər şeyi təmin etdiyinə inanır və yaxın günlərdə yeni yardım elan etmək niyyətindədir.
Busaat.az “RİA Novosti”-yə istinadən xəbər verir ki, bunu ABŞ Dövlət Departamentinin rəsmi nümayəndəsi Metyu Miller bildirib.
“Bizim fikrimizcə, Ukrayna bu əks-hücumu həyata keçirmək üçün hər şeyə malikdir. Biz müttəfiqlərimiz və tərəfdaşlarımızla birlikdə onu Avropada və dünyada böyük həcmdə hərbi texnika ilə təmin etmişik”, – o, deyib.
Bu açıqlama yerli KİV-lərdə Ukraynanın əks-hücumunun ləngiməsi ilə bağlı çoxsaylı nəşrlər və Ukrayna liderlərinin öz problemlərini Qərbin silah təchizatının qeyri-kafi dərəcələri və həcmləri ilə izah edən ifadələri fonunda verilib.
“Yaxın günlərdə yeni hərbi yardım elanını gözləyə bilərsiniz”, – Miller əlavə edib.
Busaat.az
