İyunun 4-dən etibarən Ukrayna ordusu əks-hücum əməliyyatı zamanı 26 mindən çox hərbçi və 3 mindən çox hərbi texnika itirib.
Busaat.az xəbər verir ki, bu sözləri Rusiyanın müdafiə naziri Sergey Şoyqu jurnalistlərə bildirib.
“Ukraynanın iyunun 4-dən itkiləri 26 mindən çox hərbçiyə və 3 min ədəd müxtəlif silah-sursata çatıb.
Nazirin sözlərinə görə, Rusiya qoşunları 21 təyyarə, 5 helikopter, 1244 tank və digər zirehli texnikanı, Almaniya istehsalı olan 17 “Leopard” tankını, Fransa istehsalı olan 5 AMX tankını və ABŞ istehsalı olan 12 “Bradley” piyada döyüş maşını məhv edib.
Bundan başqa, 914 xüsusi avtomobil texnikası, iki hava hücumundan müdafiə sistemi, 25 reaktiv reaktiv raket sistemi (MLRS), 403 səhra artilleriya topu və minaatanlarını sıradan çıxarıb.
Rusiya hava hücumundan müdafiə sistemləri Ukrayna qüvvələrinə məxsus 176 HIMARS raketi, 27 “Storm Shadow” qanadlı raketi və 483 pilotsuz uçan aparatı vurub.
“Bir daha təkrar edirəm, 403 artilleriya, o cümlədən ABŞ istehsalı olan 43 artilleriya qurğusu və Polşa, ABŞ və Fransadan 46 özüyeriyən artilleriya silahı vurulub”, – Şoyqu deyib.
Busaat.az
