Ukrayna ərazi bütövlüyü uğrunda mübarizə aparır - Roma Papası

Roma Papası Fransisk Ukrayna prezidenti Vladimir Zelenskiyə məktub yazaraq, bütün iztirablara son qoymaq üçün səy göstərəcəyini vəd edib.

Busaat.az TASS-a istinadən xəbər verir ki, bu barədə papanın Ukrayna üzrə xüsusi nümayəndəsi Matteo Zuppi açqlama verib.

O,  pontifikin mesajını Kiyevə son səfəri zamanı çatdırıb.

Biz sülhün mümkün qədər tez bərqərar olmasına öz töhfəmizi verməliyik, bunun üçün isə nəyin lazım olduğunu başa düşməliyik. O, həmçinin Rusiya hökuməti və Rus Pravoslav Kilsəsinin (ROK) nümayəndələri ilə erkən görüşə ümid verən siqnallar aldığını bildirib.

“Moskvanın iddiasına görə Donbasdakı iki rayon Rusiyanın bir hissəsidir. Ukrayna ərazi bütövlüyü uğrunda mübarizə aparır. Və açıq-aydın görünür ki, bunlar bir-birinə zidd mövqelərdir. Biz bu münaqişənin silahların köməyi ilə həll olunmasını istəmirik”, – Zuppi deyib.

Xatırladaq ki,  Zuppi Rusiyaya səfər etmək üçün Kremldən razılıq alıb. Səfərin hansı tarixdə baş tutacağı barədə dəqiq məlumat yoxdur.

Busaat.az