Ukrayna əsgərləri Rusiyanın tərəfinə keçir?

Zaporojye istiqamətində getdikcə daha çox Ukrayna əsgəri Rusiya tərəfinə keçməyə üstünlük verir.

Busaat.az xəbər verir ki, bu iddianı “Biz Rusiya ilə birlikdəyik” hərəkatının lideri Vladimir Roqov səsləndirib.

“Getdikcə daha çox ukraynalı qarşı tərəfə keçməyin yolunu axtarır”, – o, “Solovyov Live” verilişinə müsahibəsində deyib.

Roqov bildirib ki, bir və ya beş əsgərdən danışmır: “Ukrayna prezidenti Volodimir Zelenski rejimi üçün döyüşmək, öldürmək və nəhayət, ölmək istəməyən ondan çox əsgər var. Müdafiə məntəqələrində olan əsgərlərimiz də təslim olmaq istədiklərini deyən bu qədər insanı görəndə çaşqınlıq içində qalırlar”.

Roqov daha əvvəl TASS-a bildirib ki, Zaporojye vilayətində təmas xəttinə geri çəkilmə əleyhinə bölmələr kimi yerləşdirilən “Kraken” və “Azov” millətçi batalyonlarının yaraqlıları dekabrın ortalarından etibarən Ukrayna ərazi müdafiə bölmələrinin 7 əsgərini öldürüb, 18 əsgərini yaralayıb. Ukrayna tərəfi bununla belə, bu əsgərlərin döyüş əməliyyatları zamanı həlak olduğunu bildirir.