Ukrayna Gürcüstan səfirinə 48 saat ərzində ölkəni tərk etməyi tapşırıb

Gürcüstanın Ukraynadakı səfiri Giorgi Zakaraşvili Ukrayna XİN-ə  çağırılıb, ona Gürcüstanda həbsdə olan Ukrayna vətəndaşı Mixail Saakaşvilinin vəziyyətinin xeyli pisləşməsi ilə bağlı kəskin etiraz bildirilib.

Busaat.az xəbər verir ki, bu barədə “İnterfaks-Ukrayna” məlumat yayıb.

“Səfirin nəzərinə çatdırılıb ki, Mixail Saakaşviliyə qarşı belə münasibət qətiyyən yolverilməzdir. Gürcüstan hakimiyyəti Ukrayna vətəndaşlarına qarşı terroru dayandırmalıdır”, – məlumatda deyilir.

Bununla bağlı Gürcüstanın Ukraynadakı səfirinə məsləhətləşmələr üçün Tbilisiyə qayıtması təklif olunub.

“Ukrayna Saakaşvilinin müalicə üçün Ukraynaya köçürülməsi məsələsini dərhal müzakirə etməyə hazır olduğunu bildirib”, – agentlik qeyd edib.

Busaat.az