Ukrayna iki aydan sonra hücuma hazırlaşır

Ukrayna Prezident Aparatının müşaviri Mixail Podolyak bildirib ki, iki ay ərzində Ukrayna Silahlı Qüvvələrinin əks-hücum əməliyyatı keçirilə bilər.

Busaat.az xəbər verir ki, Podolyak İtaliyanın “La Stampa” qəzetinə Rusiya-Ukrayna müharibəsi ilə bağlı açıqlama verib.

Mixail Podolyak deyib ki, ordu təxminən iki ay ərzində əks-hücuma başlamağa yönəlib.

Podolyak qeyd edib: “155 mm-lik ağır artilleriya tədarükünü artırmalıyıq. Tələsmirik, yaxın iki ayda yenidən təşkilatlanacağıq”.

“Financial Times” yazıb ki, Qərb rəsmiləri və analitikləri Kiyevin Baxmut toqquşmalarında ağır itkilərə məruz qalması Ukrayna ordusunun yazda əks-hücuma keçmək imkanlarını azalda biləcəyini bildiriblər.

Baxmutdakı toqquşmalarda iştirak edən ukraynalı əsgərlərdən biri Financial Times qəzetinə bildirib ki, Ukrayna Silahlı Qüvvələri üçün şəhəri nəzarətə götürmək getdikcə çətinləşir.

Busaat.az