Ukrayna Kaxovka su elektrik stansiyasında (SES) baş verən insidentlə bağlı Rusiyanı Haaqa məhkəməsinə verməyi planlaşdırır.
Busaat.az xəbər verir ki, bu barədə Ukrayna prezidenti Vladimir Zelenski bildirib.
Ukrayna prezidenti vəziyyəti “ekosid” adlandıraraq, Beynəlxalq Cinayət Məhkəməsinə sorğular göndəriləcəyini açıqlayıb.
Rusiya tərəfinin iddiasına görə, Ukrayna qüvvələri Kaxovka SES-i, Olxa reaktiv raket sistemləri ilə (MLRS) atəşə tutub. Atılan mərmilər nəticəsində zavodun bəndinin qapı klapanları dağılıb, suyun idarə olunmadan çölə axmasına səbəb olub.
Hazırda Novaya Kaxovkada suyun səviyyəsi 12 metrdən yuxarı qalxıb. 14 yaşayış məntəqəsi su altında qalıb, 80-ə qədər yaşayış məntəqəsi su altında qalmaq təhlükəsi ilə üzləşib. İnsanlar qonşu yaşayış məntəqələrindən təxliyə edilir. Lakin yerli hakimiyyət orqanlarının fikrincə, genişmiqyaslı təxliyələrə ehtiyac yoxdur.
Busaat.az
