Ukrayna kəşfiyyatı: Əks hücum yaxın gələcəkdə başlayacaq

Ukrayna ordusu yaxın vaxtlarda gözlənilən əks hücuma hazırdır.

Busaat.az xəbər verir ki, bunu Ukrayna Müdafiə Nazirliyinin Hərbi Kəşfiyyat İdarəsinin (GUR) rəhbəri Kirill Budanov bildirib.

Ukrayna Müdafiə Nazirliyinin Hərbi Kəşfiyyat İdarəsinin (GUR) rəisi Kirill Budanov Yaponiyanın NHK kanalına açıqlama verib.

Kirill Budanov Ukrayna ordusunun yaxın vaxtlarda hücuma başlayacağını açıqlayıb.

“Bircə onu deyə bilərəm ki, bu, tezliklə başlayacaq”, – Budanov hücum haqqında deyib.

Ukraynanın əks-hücumları uğurla davam etdirməsi üçün daha çox silah və sursata ehtiyacı olduğunu vurğulayan Bodanov deyib: “Artıq lazım olan minimum sayda silahımız var. Daha çox silaha ehtiyacımız var”.

Budanov həmçinin ümid etdiyini bildirib ki, beynəlxalq ictimaiyyət Ukraynaya kömək etmək üçün hər şeyə hazırdır.

Busaat.az