Ukrayna prezidenti Volodimir Zelenski ölkəsində Rusiyaya qarşı davam edən müharibədə ən ağır toqquşmaların Donetsk vilayətinin Bahmut və Soledar şəhərlərində baş verdiyini açıqlayıb.
Busaat.az xəbər verir ki, bu barədə Zelenski gündəlik video müraciətində edib.
Donetsk vilayətinin Bahmut və Soledar şəhərlərində baş verən son qarşıdurmaları “ən ağrılı” kimi qiymətləndirən Zelenski deyib: “Donetsk vilayətində Bahmut və Soledar ətrafında davam edən döyüşlər əvvəlki kimi ən isti, ən ağrılı şəkildə davam edir. Biz bu istiqamətdə uşaqlarımıza (Ukrayna əsgərlərinə) kömək etmək üçün hər şeyi edirik. Müdafiədəki qəhrəmanlarımız, oradakı hər kəs ən böyük təşəkkürə layiqdir”.
Avropa İttifaqı ölkələrinin dekabrın 2-də Rusiyadan dəniz yolu ilə daşınan neftin ən yüksək qiymətinin 60 dollar olması barədə razılığa gəldiyini xatırladan Zelenski bu qiymətin daha da aşağı düşməli olduğunu qeyd edib.
Rusiya neftinin bir barelinin qiymətinin 30 dollara endirilməsi lazım olduğunu müdafiə edən Zelenski dünən verilən qərardan məmnun olmadıqlarını bildirib.
Busaat.az
