Ukrayna NATO-ya daxil olmasa, Rusiya daha az təhlükə hiss edəcək

ABŞ hakimiyyəti iki düşmən blokun yaranmasına töhfə verməklə bəşəriyyəti dünya müharibəsinə sövq edir.

Busaat.az xəbər verir ki, bu sözləri Malayziyanın keçmiş baş naziri Mahathir Mohamad deyib.

O, “Global Times” qəzetinə müsahibəsində deyib: “ABŞ digər ölkələrin də Rusiyaya qarşı aksiyaya qoşulmasına nail olmağa çalışacaq və Rusiya da onu dəstəkləyəcək dost ölkələr tapmalı olacaq. Şərq bloku ilə Qərb bloku arasında qarşıdurma olacaq. Bu isə daha da böyüyərək dünya müharibəsinə çevriləcək”.

Sabiq nazir qeyd edib ki, Ukraynadakı  münaqişədən artıq bütün dünyaya təsirlənib. Mürəkkəb vəziyyət bütün dünyada zəruri mallara xərclərin artmasına səbəb olub, taxıl daşınmasına mənfi təsir edib.

“Ukraynanın NATO-ya dəvət edilməsi təxribatdır. Əslində, Ukrayna NATO-ya daxil olmasa, məncə, Rusiya daha az təhlükə hiss edəcək və qarşıdurma olmayacaq. Amma proses başladıqdan sonra Rusiya qabaqlayıcı addımlar atacaq”, – Mahathir bildirib.

Busaat.az