Ukrayna qoşunlarının Patriot sistemlərindən istifadə etməsi üçün vaxt lazımdır

Vaşinqtonun Kiyevə tədarük etdiyi “Patriot” hava hücumundan müdafiə sistemlərindən istifadə etmək üçün Ukrayna qoşunlarına təlim keçmək bir qədər vaxt aparacaq.

Busaat.az xəbər verir ki, bunu ABŞ prezidenti Co Bayden çərşənbə günü ölkəsində səfərdə olan Ukrayna prezidenti Volodimir Zelenski ilə birgə mətbuat konfransında bildirib.

Baydenin sözlərinə görə, Ukraynaya yeni hərbi yardım paketinə hava hücumundan müdafiəni gücləndirmək üçün Patriot raket sistemləri daxil edilib.

“Lazımi təlimləri tamamlamaq üçün bir az vaxt lazım olacaq, lakin Patriot sistemləri Ukrayna üçün aktiv olacaq” – deyə, Bayden qeyd edib.

Busaat.az