Ukrayna Təhlükəsizlik Xidməti (SBU) Zaporojye vilayətində Rusiya Federasiyası Federal Təhlükəsizlik Xidmətinin (FSB) agenti olduğu bildirilən şəxsi ələ keçirib.
Busaat.az xəbər verir ki, bu barədə SBU-nun bəyanatında deyilir:
“SBU Ukrayna Dəniz Piyadaları Korpusunun mövqelərini izləyən rus agentini saxlayıb. SBU Zaporojye cəbhəsi ərazilərində əks-təxribat əməliyyatları zamanı daha bir FSB agentini üzə çıxarıb. Günahkar 2011-ci ildə korrupsiyaya görə işdən çıxarılan keçmiş vergi polisi əməkdaşı olub. O, bu ilin mart ayının əvvəlində bölgədəki Müdafiə Qüvvələrinin mövqeləri ilə bağlı kəşfiyyat məlumatları toplamaq üçün FSB zabiti tərəfindən casusluğa təşviq edilib və əraziyə yerləşdirilib”.
Nəzarətə alınan və kimliyi açıqlanmayan şəxsi ömürlük həbs cəzası gözlədiyi bildirilib.
Busaat.az
