Ukrayna Silahlı Qüvvələrinin Baş Qərargahı Rusiyaya aid İran istehsalı 35 Şahed PUA ilə hücum etdiyini və 35-nin də Ukrayna tərəfindən məhv edildiyini açıqlayıb.
Busaat.az xəbər verir ki, ölkə daxilində raket və hava zərbələri endirildiyi də açıqlanıb.
Ukrayna Silahlı Qüvvələri Baş Qərargahından verilən yazılı açıqlamaya görə, Rusiya ötən gecə Xarkov, Xerson, Nikolayev və Odessa bölgələri başda olmaqla bir çox şəhərə 16 raket hücumu həyata keçirib.
Bundan əlavə, Ukrayna əsgərlərinin yerləşdiyi mövqelərə və yaşayış məntəqələrinə 61 hava hücumu və 52 düşmən hücumunun qeydə alındığı bildirilib.
“Təəssüf ki, ölən və yaralanan mülki şəxslər var, hündür bina, evlər və digər mülki infrastruktura ziyan dəyib”, – bəyanatda deyilir.
Rusiyanın Ukrayna ərazisinə daha çox raketlər ilə hava zərbələri endirmə ehtimalı yüksəkdir. Düşmən diqqətini Lyman, Baxmut, Avdiyivka və Marinka aspektlərinə yönəldir. Baxmut və Marinka şəhərləri üçün şiddətli toqquşmalar davam edir. Ümumilikdə ötən gün cəbhənin müəyyən olunmuş bölmələrində düşmənin 55 hücumu dəf edilib.
Busaat.az
