Ukrayna səfirindən F-16 çağırışı: Biz Ukraynanı və Avropanı qorumalıyıq

Ukraynanın qısa və uzunmüddətli təhlükəsizliyi üçün F-16-lara ehtiyacı var.

Busaat.az xəbər verir ki, bunu Ukraynanın Vaşinqtondakı səfiri Oksana Markarova bildirib.

Ukraynanın Vaşinqtondakı səfiri Oksana Markarova Massaçusetsdəki Boston Kollecinin buraxılış mərasimində çıxış edib.

Səfir Markarova Ukraynanın F-16-lara ehtiyacı ilə bağlı müzakirələrə toxunaraq, bu təyyarələrin ölkəsinin qısa və uzunmüddətli təhlükəsizliyi üçün mühüm əhəmiyyət kəsb etdiyini vurğulayıb.

“Bu, bizə tamamilə lazım olan müdafiə qabiliyyətidir. Hətta müharibədə qalib gəldikdən sonra da Rusiya heç bir yerə getməyəcək. Biz Ukraynanı və Avropanı qorumağa davam etməliyik”, – deyə Markarova bildirib.

ABŞ-nin Ukraynada F-16 pilotlarının yetişdirilməsinə yardım edəcəyini bildirən Markarova, bu təyyarələrin kimdən, nə vaxt və necə alınacağı və ölkəsinin onları nə vaxt istifadəyə verə biləcəyi ilə bağlı ətraflı məlumat verməyib.

Markova vurğulayıb ki, Ukrayna ABŞ Konqresində demokratlar və respublikaçıların dəstəyindən məmnundur.

Busaat.az