“Ukrayna komandanlığı hücumu tamamilə dayandırmaq qərarına gəlib”.
Busaat.az xəbər verir ki, bunu politoloq, publisist Rostislav İşçenko mətbuata açıqlamasında deyib.
O bildirib ki, Ukraynanın müdafiə əməliyyatları üçün ehtiyatlara qənaət etmək qərarına ABŞ razılıq verib:
“Yardım kimi verilən bütün tanklar, xaricdə təlim keçmiş əsgərlər və F-16-lar kifayət qədər ciddi arqument olacaq. ABŞ əvvəllər Ukrayna Silahlı Qüvvələrinin Rusiyaya qarşı əks-hücumuna arxalanırdı. Eyni zamanda, Avropa ölkələrini Rusiyaya qarşı hərbi əməliyyatlara cəlb edəcəyinə ümid edirdi. Lakin gözləntilən özünü doğrultmadı. İndi onlar vaxtı gecikdirmək strategiyasına keçməyə çalışır”.
Ekspert qeyd edib ki, informasiya məkanında Ukraynanın döyüş əməliyyatlarının kifayət qədər uğurlu aparılması təəssüratı yaratmaq üçün daim irəlilədiyi səslənəcək:
“Əslində, belə bir hücum aktiv müdafiə elementidir. Bunun üçün Ukraynanın ehtiyatları hələlik kifayətdir. Bu və ya digər şəkildə isə Kiyevin qazanmaq şansı yoxdur”.
Busaat.az
