Ukrayna: “Ukraynanın “təxribat qrupu” iddiası klassik təxribatdır”
Ukrayna Prezident Aparatının müşaviri Mixail Podolyak Rusiyanın baş verən hücumları Ukraynanın “təxribat qrupları”nın həyata keçirməsi ilə bağlı iddiasını “klassik təxribat” kimi qiymətləndirib.
Busaat.az xəbər verir ki, bu barədə Podolyak sosial şəbəkə vasitəsilə açıqlama verib.
O bildirib ki, Ukraynanın Rusiyadakı “təxribat qrupları” hekayəsi klassik təxribatdır:
“Rusiya başqa ölkəyə hücuma və müharibə nəticəsində yoxsulluğun artmasına bəraət qazandırmaq üçün xalqını qorxutmaq istəyir. Partizan hərəkatı Rusiyada güclənir və aqressivləşir. Öz partizanlarınızdan qorxun”.
Qeyd edək ki, Rusiyanın Bryansk vilayətinin qubernatoru Aleksandr Boqomaz Ukraynanın “təxribat qrupu”nun bölgədəki bir kəndə silahlı hücumu nəticəsində 1 nəfərin öldüyünü bildirib.
O, təxribat ilə bağlı Rusiya Silahlı Qüvvələrinin lazımi tədbirlər gördüyünü deyib.
Busaat.az
