Ukraynada hədəflərə çatmaq üçün yeganə həll yolu hərbi variantdır - Rusiya 

Rusiyanın Ukrayna ilə bağlı qarşıya qoyduğu məqsədlərə ancaq hərbi yolla nail olmaq olar.

Busaat.az xəbər verir ki, bunu Kremlin sözçüsü Dmitri Peskov bildirib.

Münhen Təhlükəsizlik Konfransının keçmiş sədri və istefada olan səfir Volfqanq İşinqerin jurnalistlərə verdiyi “Qərb Ukrayna ilə bağlı sülh planı və təmas qrupu yaratmalıdır” ifadəsini dəyərləndirən Peskov, bu fikirlə razılaşmadıqlarını vurğulayıb.

Ukrayna məsələsinin həllində sülh yoluna keçid üçün lazımi şəraitin yaradılmadığını bildirən Peskov deyib: “Müəyyən edilmiş məqsədlərə nail olmaq bizim üçün prioritetdir və hər zaman belə olacaq. Bu məqsədlər yalnız hərbi yolla əldə oluna bilər”.

Peskov Çin Dövlət Başçısı Si Tsipinin Rusiyaya planlaşdırdığı səfərlə bağlı suala, “Adətən liderlərin xarici səfərləri qarşılıqlı razılaşma ilə eyni vaxtda rəsmi olaraq açıqlanır. Hazır olanda mövzu ilə bağlı məlumat verəcəyik”, – deyə qeyd edib.