Ukraynadakı böhrana görə tamamilə ABŞ məsuliyyət daşıyır - Kuba prezidenti

Ukraynadakı böhrana görə məsuliyyət tamamilə ABŞ-nin üzərinə düşür.

Busaat.az xəbər verir ki, bu sözləri Kuba prezidenti Migel Diaz-Kanel deyib.

“ABŞ hökuməti münaqişənin əsas səbəbini təhrif edib və özünün nəhəng media gücü ilə Rusiyaya qarşı nifrət hissi oyadıb. Hesab edirəm ki, onlar rusofobiyanı qızışdırıb və Rusiyanı üz-üzə qoymaqla münaqişənin əsl səbəblərini gizlədiblər. Bu münaqişənin yaranmasında ABŞ hökumətinin özü günahkardır”, – Kuba lideri bildirib.

“Onlar Rusiyanı ölkənin müdafiəsi ilə bir araya sığmayan vəziyyətə salıblar”, – Diaz-Kanel əlavə edib.

Kuba prezidenti beynəlxalq ictimaiyyəti münaqişə tərəfləri arasında dialoqun qurulmasına töhfə verəcək təşəbbüsləri dəstəkləməyə çağırıb.

Busaat.az