Rusiya-Ukrayna müharibəsinin birinci ildönümündə Avropada müxtəlif həmrəylik tədbirləri keçirilir.
Busaat.az xəbər verir ki, Almaniyada “Berlin Story Bunker” Muzeyi rəsmiləri Rusiyanın Ukraynaya hücumlarına reaksiya vermək üçün müharibənin əvvəlində zədələnmiş “T-72” tipli rus tankını Berlinə gətirib.
Dmitrivkadan gətirilən tank Rusiyanın Berlindəki Səfirliyinin qarşısına qoyulub.
Muzey rəsmisi Wieland Giebel mövzu ilə bağlı verdiyi açıqlamada deyib: “Onlar milyonlarla insanı öldürüb, didərgin saldılar və bunu hər gün davam etdirirlər. Bu səfirlikdə hərbi cinayətkarlar yaşayır. Səfirlikdən bir nəfər də olsun Ukraynadakı müharibəyə qarşı çıxmayıb. Həmişə özümə sual verirəm ki, mən nə edə bilərəm. Bu azdır. Amma etiraz əlaməti olaraq bu tankı rusların gözünün önünə qoymaq da bir şeydir”, – deyə o, bildirib.
