Ukraynalı pilotlar yaxın vaxtlarda F-16 qırıcılarını idarə etmək üçün təlim keçəcəklər.
Busaat.az xəbər verir ki, bu barədə Hollandiyanın xarici işlər naziri Wopke Hoekstra bildirib.
Ukraynalı pilotların F-16-da təlimlərə nə vaxt başlayacağı ilə bağlı sualı cavablandıran nazir deyib: “Biz bunu daha tez zamanda edəcəyimizə əmin olacağıq”.
Eyni zamanda, Hoekstra tarixi “günlər, həftələr və ya aylarla” dəqiqləşdirməkdən imtina edib.
“Lakin biz hər dəfə fundamental qərar qəbul etdikdə adətən əməliyyat tərəfini çox tez dəqiqləşdirdik”, – diplomat qeyd edib.
Hollandiyanın baş naziri Mark Rutte isə bildirib ki, yaxın həftələrdə ukraynalı pilotlara F-16 qırıcılarını idarə etmək üçün hər bir şərait hazırlanacaq.
Busaat.az
