F-16 döyüş təyyarələri üçün Ukraynalı pilotlara veriləcək təlim Rumıniya və Danimarkada keçiriləcək.
Busaat.az xəbər verir ki, bu barədə Ağ Evin Milli Təhlükəsizlik Şurasının Strateji Kommunikasiyalar üzrə koordinatoru Con Kirbi bildirib.
Rumıniya və Danimarkada ukraynalı pilotlara F-16 təlimi veriləcəyini bildirən Kirbi, təlimin veriləcəyi dəqiq yerlər və cədvəl üzərində hələ də çalışdıqlarını qeyd edib.
İngiltərənin də ukraynalı pilotların təyyarələrdən istifadə etmələri üçün dil təhsilinə başladığını ifadə edən Kirbi, pilotların yetişdirilməsində bacardıqları qədər tez hərəkət etmək istədiklərini vurğulayıb.
Bundan başqa, Kirbi taxıl ixracı üçün müxtəlif marşrutlar üzərində Ukrayna və avropalı tərəfdaşlarla birlikdə işlədiklərini bəyan edərək, ən təsirli yolun dəniz daşınması olduğuna diqqət çəkib.
Busaat.az
