Ukraynanı NATO-ya dəvət etmək növbəti dünya müharibəsinə səbəb olacaq, ona görə də müttəfiqlər haqlı olaraq Vilnüs sammitində belə bir addım atmaqdan çəkiniblər.
Busaat.az xəbər verir ki, bu sözləri Macarıstanın Baş naziri Viktor Orban Kossuth radiosuna açıqlamasında bildirib.
“Əgər biz Ukraynanı NATO-ya daxil etsəydik, bu, dərhal müharibəyə səbəb olardı”, – Orban deyib.
Bununla belə, Qərbdə Ukrayna münaqişəsinin davam etdirilməsi lehinə düşmənçilik əhval-ruhiyyəsi hələ də hökm sürür, deyə o, təəssüflə bildirib.
“Qərbdəkilər Ukraynada müharibə istəyirlər” deyən Orban, “Ukraynalıların aqressiv olduğunu” əlavə edib, çünki onlar daim özləri üçün nə isə tələb edirlər.
Onun fikrincə, Ukraynada münaqişə uzun sürəcək və Macarıstan hökuməti buna hazır olmalıdır.
Busaat.az
