Ukraynanın enerji sisteminin təmiri 100 milyonlarla dollara başa gələcək

“Kiyev hökumətinə ölkənin enerji sistemini bərpa etmək üçün Ukrayna büdcəsindəki vəsaitdən əlavə bir neçə yüz milyon dollar yardım lazımdır”.

Busaat.az xəbər verir ki, bu barədə “Financial Times” İnfrastruktur naziri Aleksandr Kubrakova istinadən bildirib.

Məlumata görə, Ukrayna öz elektrik şəbəkəsinin sovet istehsalı elementlərinin bərkidilməsi üçün avadanlıq və materialların çatışmazlığı ilə üzləşib. Hökumət Polşa və Litvadan ehtiyat hissələri axtarır və yerli istehsalı artırmağa çalışır, lakin yeni qurğuların toplanması bir neçə ay çəkəcək.

Qeyd edək ki, Ukraynada iki saatdan çox davam edən hava hücumu xəbərdarlığı edilib. Dnepr, Kiyev, Lvov, Nikolayev, Odessa, Xarkov və digər şəhərlərdən partlayışlar və infrastrukturun zədələnməsi barədə məlumatlar daxil olub. Ukrayna Energetika Nazirliyinin məlumatına görə, Kiyevin nəzarətində olan üç atom elektrik stansiyasında elektrik enerjisi təchizatı dayandırılıb.

Busaat.az