Ukraynanın müdafiə naziri Oleksiy Reznikov Ukrayna ordusunun əks-hücuma hazırlaşdığını bildirib.
Busaat.az xəbər verir ki, bu barədə RİA Novosti Ukrayna hökumətinin vahid portalına istinadən xəbər verir.
Nazir avropalı tərəfdaşları ağır texnika ilə hərbi yardımı gücləndirməyə və ukraynalı hərbçilərin xaricdə peşəkar hazırlığının artırılmasına çağırıb.
Reznikov dünən Avropa İttifaqının Siyasət və Təhlükəsizlik Komitəsinin sədri Delfina Pronkun rəhbərlik etdiyi nümayəndə heyəti ilə görüş keçirib.
“Sistemli dəstəyə və görülən işlərə görə səmimi minnətdarlığımı bildirirəm. Qərb silahlarının tədarükü sayəsində Ukrayna silahlı qüvvələri döyüş meydanında uğur qazanır. Bununla belə, biz əks-hücum əməliyyatına hazırlaşırıq, ona görə də Ukraynanın ilk növbədə ağır texnika və təlim keçmiş ehtiyatlara ehtiyacı var”, – Reznikov deyib.
Busaat.az
