Ukraynanın NATO-ya üzvlük məsələsi gündəmdə deyil - Şolz
Almaniya kansleri Olaf Şolz Ukraynaya uzunmüddətli təhlükəsizlik zəmanəti vəd edib.
Busaat.az bu barədə Reuters-ə istinadən xəbər verir.
“Biz hazırkı vəziyyətə ayıq nəzər salmalıyıq. Ukraynanın müharibə davam etdiyi müddətdə NATO-ya üzvlük məsələsi gündəmdə deyil”, – Şolz deyib.
“Ona görə də mən əsas diqqəti Ukraynanın döyüş gücünün gücləndirilməsinə yönəltməyi təklif edirəm”, – kansler bildirib.
O, qeyd edib ki, Berlin G7 və Avropa İttifaqındakı tərəfdaşları ilə birlikdə Kiyev üçün uzunmüddətli təhlükəsizlik təminatları üzərində işləyirlər.
“Bizim məqsədimiz müasir Qərb silahları da daxil olmaqla, Kiyevə sabit hərbi dəstək və özünü Rusiya təcavüzündən qorumaq üçün Ukraynanın iqtisadi sabitliyini gücləndirməkdir”, – Şolz əlavə edib.
Qeyd edək ki, NATO ölkələri iyulun 11-12-də alyans liderlərinin Vilnüs görüşü zamanı Kiyevə nə təklif edəcəkləri barədə müzakirələr aparır.
Busaat.az
