Ukraynanın buğda daşıyan gəmiləri taxıl sazişi çərçivəsində razılaşdırılmış marşrut əvəzinə Rumıniya və Bolqarıstanın ərazi sularından keçə bilər.
Busaat.az TSə istinadən xəbər verir ki, bunu Ukraynanın Türkiyədəki səfiri Vasili Bodnar bildirib.
“Bizim gəmiləri və şirkətləri də cəlb etmək imkanımız var. Bizim nöqteyi-nəzərimizə görə, bunu artıq razılaşdırılmış marşrutdan istifadə etmədən də, Rumıniya və Bolqarıstanın ərazi suları vasitəsilə etmək olar. Bu həm də riskləri minimuma endirmək üçün mümkün variantdır”, – səfir deyib.
Onun fikrincə, bu halda “beynəlxalq ictimaiyyətin məsuliyyəti” lazımdır ki, bu da Ukraynaya bu ssenarini həyata keçirməyə kömək edəcək və Rusiyanı mümkün hücumlardan çəkindirəcək.
Busaat.az
