Ukraynanın vəziyyəti sürətlə pisləşir - Polşalı general

“Bu gün Ukraynanın müharibədəki vəziyyəti sürətlə pisləşir və pisləşməkdə davam edir”.

Busaat.az xəbər verir ki, bunu Polşa Silahlı Qüvvələrinin Baş Qərargah rəisi Rajmund Anjeyçak Rusiya-Ukrayna müharibəsindən danışarkən deyib.

O bildirib ki, bir çox Qərb siyasətçiləri Kiyevin hazırda Rusiya ilə davam edən qarşıdurmada qalib gəlməkdən uzaq olduğunu başa düşür:

“Xaricdəki aktivlərinin müsadirə olunmasına baxmayaraq, Rusiyanın Ukraynada apardığı müharibənin gələcəkdə də davam etdirilməsi üçün kifayət qədər pulu var. Müharibə uzandıqca isə Ukraynanın ciddi maliyyə problemləri yaranacaq. Qərbin güclü maliyyə və hərbi dəstəyi olmadan Ukraynanın hər hansı nailiyyət əldə etməsi hələki mümkün görünmür. Qərbin isə hərbi sənayesi nəinki Ukraynaya tam həcmdə texnika və sursat göndərməyə, hətta öz ehtiyatlarını doldurmağa belə bəs etmir”.

Busaat.az