Almaniyanın Ukraynaya F-16 döyüş təyyarələrinin çatdırılmasında iştirakı gündəmdə deyil.
Busaat.az xəbər verir ki, bunu Almaniya kansleri Olaf Şolz bildirib.
Almaniya kansleri Olaf Şolz Yaponiyada keçirilən G7 Sammiti zamanı jurnalistlərə açıqlama verib.
O bildirib ki, ölkəsinin Ukraynaya mümkün F-16 qırıcı təyyarələrinin çatdırılmasında iştirakı gündəmdə deyil.
“Əvvəla, hamı bilir ki, bizdə belə bir təyyarə belə yoxdur”, – Şolz bildirib.
Şolz Almaniyanın ABŞ-dən sonra Ukraynanın ikinci ən böyük dəstəkçisi olduğunu təkrarlayıb.
“Biz lazım olduğu qədər Ukraynaya maliyyə, humanitar və hərbi yardım edəcəyik”, – deyən Şolz əlavə edib ki, bütün bunlar Kiyev administrasiyasının yayın əvvəlində hücum planlaşdırdığı zaman aktual idi.
Qeyd edək ki, Xirosimada G7 liderləri ilə görüşü zamanı ABŞ prezidenti Co Bayden bildirib ki, Vaşinqton ukraynalı pilotlara müasir döyüş təyyarələri, o cümlədən F-16-ları idarə etmək üçün təlim keçmək üçün beynəlxalq səyləri dəstəkləyəcək.
Rusiya xarici işlər nazirinin müavini Aleksandr Qruşko bildirib ki, Qərb ölkələri Ukrayna münaqişəsini gərginləşdirməkdə davam edir və Rusiya öz planlarında bunu nəzərə alacaq.
Busaat.az
