Hesab edirəm ki, İsrail xüsusi vəziyyətdədir və bu, məsələn, Polşa, Almaniya, Fransa və ya Ukraynaya yardım edən hər hansı Qərb dövlətinin durumundan fərqlidir .
Busaat.az xəbər verir ki, bunu İsrailin baş naziri Benyamin Netanyahu “The Jerusalem Post” qəzetinə müsahibəsində bildirib.
“Birincisi, bizim Rusiya ilə yaxın hərbi sərhədimiz var. Bizim pilotlarımız Suriya səmasında rus pilotlarla bərabər uçur. Biz İranın hərbi qüvvələrini yerləşdirmək cəhdlərinə qarşı gələcəkdə şimal sərhədimizdə sərbəst fəaliyyət göstərə bilməliyik ”, – nazir deyib.
Netanyahu bildirib ki, Tel-Əvivin Kiyevə ötürdüyü istənilən sistem İranın əlinə keçib İsrailə qarşı istifadə oluna bilər.
“Əlbəttə, biz Ukraynada baş verən faciəyə, bu dəhşətli insan tələfatına görə təəssüf hissi keçiririk. Bunun bitməsini istərdik. Bunun baş verəcəyinə əmin deyiləm. Bu, yalnız hipotetik ola bilər, amma baş verə bilər”, – Netanyahu qeyd edib.
Onun sözlərinə görə, İsrailin bu münaqişədə “balanslı” yanaşması düzgün addımdır.
Busaat.az
