Türkiyənin ən inkişaf etmiş pilotsuz dəniz vasitəsi ULAQ donanmaya təhvil verilir.
Türkiyənin bu günə qədər hazırladığı ən inkişaf etmiş pilotsuz dəniz platforması olan “ULAQ” , may ayında Türk Donanmasına təhvil veriləcək. Hədiyyə edilənlər istisna olmaqla, dünyada ixrac müqaviləsi imzalanmış ilk və yeganə pilotsuz dəniz platforması olan ULAQ, “Mavi Vətən” strategiyası çərçivəsində kritik vəzifələr yerinə yetirəcək.
Busaat.az Türkiyə mediasına istinadən bildirir ki,Türkiyə pilotsuz hava vasitələrində qazandığı uğurları indi də dəniz sahəsinə daşıyır. Bu uğurun əsas simalarından biri Antalyada yerləşən ARES Tersanesində istehsal edilən ULAQ dəniz vasitələri ailəsidir. Müxtəlif missiyalar üçün “terzi işi” hazırlanmış bu platformalar müasir texnologiya ilə təchiz olunub.
ARES Tersanesi Pilotsuz Sistemlər Direktoru Onur Yıldırım bildirir ki, ULAQ artıq ixrac mərhələsinə çatıb və yaxın vaxtlarda həm donanmanın istifadəsinə veriləcək, həm də beynəlxalq bazarda yerini möhkəmləndirəcək.
Aqil Nuriyev
Busaat.az
