Umerov: Kiyev öz memorandumunu Moskvaya təqdim edib

Ukrayna Rusiya tərəfinə atəşkəsin dayandırılması ilə bağlı ölkənin mövqeyini əks etdirən memorandumunu təqdim edib.

Busaat.az xəbər verir ki, bu barədə “RBK-Ukraina” Ukrayna müdafiə naziri Rustem Umerovun bəyanatına istinadən məlumat yayıb.

“Onlar bu sənədi əldə ediblər. Biz Ukraynanın tam və qeyd-şərtsiz atəşkəsə və sonrakı diplomatik işə hazır olduğunu təsdiqləyirik. Biz rusiyalılarla görüşlərin əleyhinə deyilik və görüşün boş olmaması və müharibənin başa çatmasını real şəkildə yaxınlaşdıra bilməsi üçün onların memorandumunu gözləyirik”, – o qeyd edib.

Umerov vurğulayıb ki, bundan sonra Rusiya tərəfinin öz təkliflərini Ukraynaya təqdim etmək üçün azı daha dörd günü var.

O, daha əvvəl Rusiya tərəfinin mübadilədən dərhal sonra “memorandum” təqdim etməyi vəd etdiyini xatırladıb.

“Biz Rusiya tərəfini bu vədi dərhal yerinə yetirməyə və görüşü destruktiv etmək cəhdlərini dayandırmağa çağırırıq. Diplomatiya məzmunlu olmalıdır və yeni görüş nəticə verməlidir”, – o vurğulayıb.

Xatırladaq ki, mayın 16-da İstanbulda keçirilmiş danışıqlarda tərəflər atəşkəsin mümkün dayandırılması ilə bağlı öz baxışlarını yazılı şəkildə təqdim etmək barədə razılığa gəlmişdilər.