Ümid edirəm ki, Belarusda yerləşdirilən nüvə silahlarından istifadə etmək lazım olmayacaq - Lukaşenko

Belarusda yerləşdirilmiş Rusiya nüvə silahları təcavüzkar təzahürlərdən qorunmaq üçün bir vasitədir.

Busaat.az xəbər verir ki, bu sözləri Belarus prezidenti Aleksandr Lukaşenko bildirib.

“Nüvə silahı təhlükəsizlikdir. Allah eləməsin ki, bu silahdan istifadə etmək məcburiyyətində qalasınız. Mən hələ də ümid edirəm ki, bu baş verməyəcək”, – Lukaşenko deyib.

“Mən xalqımın, xüsusən də mənim hüzurumda döyüşməsini istəmirəm. Bu dəhşətli bir şeydir. Nəticələrdən, dərs çıxarmaq lazımdır. Biz silahları çınqıldatmırıq, lakin hər an ölkəni müdafiə etməyə hazırlaşırıq”, – prezident əlavə edib.

Busaat.az