
Ümid edirik ki, Pekin və Vaşinqton razılaşacaq - Mao Ning
Pekin Vaşinqtondan Çin və ABŞ arasında münasibətləri normallaşdırmaq üçün qarşılıqlı addımlar gözləyir.
Busaat.az xəbər verir ki, bunu Çin Xarici İşlər Nazirliyinin sözçüsü Mao Ning brifinqdə bildirib.
“Biz ümid edirik ki, ABŞ və Çin bir-biri ilə razılaşacaq, fikir ayrılıqlarının öhdəsindən layiqincə gələcək, qarşılıqlı əməkdaşlığı təşviq edəcək, anlaşılmazlıqlardan və səhv mühakimələrdən qaçınacaqlar. Pekin həmçinin Çin-ABŞ münasibətlərini sağlam və sabit inkişaf yolunda qaytarmağa ümid edir” – deyə, Mao Ning qeyd edib.
Çin və ABŞ prezidentləri Si Tsipin və Co Bayden bazar ertəsi Balidə G20 sammiti çərçivəsində görüşürlər.























