Uşak şəhərində qatarla traktorun toqquşması nəticəsində bir nəfər xəsarət alıb.
Busaat.az xəbər verir ki, hadisə şəhər mərkəzində rəsmi dəmiryol keçidində baş verib.
Məlumata görə, İzmirdən Uşaka gedən sərnişin qatarı İ.U.-nun idarə etdiyi traktorla toqquşub. Toqquşmanın təsirindən traktorun qoşqusu parçalanıb, nəqliyyat vasitəsi relslərin üzərinə aşıb.
Əraziyə çağırılan təcili tibbi yardım və jandarma qrupları sürücünü xəstəxanaya çatdırıblar. Onun vəziyyətinin yaxşı olduğu bildirilib.
Nərmin Səmidova
Busaat.az
