Vanq Venbin: "Böyük Britaniya parlamentinin Tayvanın müstəqilliyi ilə bağlı açıqlamaları real deyil"
Böyük Britaniya parlamentin İcmalar Palatasının Xarici Əlaqələr Komitəsinin dərc etdiyi sənəddə Tayvanın müstəqilliyi ilə bağlı qeyd olunan ifadələr reallığa uyğun gəlmir.
Busaat.az xəbər verir ki, bu barədə Çin Xarici İşlər Nazirliyinin sözçüsü Vanq Venbin jurnalistlərə bildirib.
“Tayvanın müstəqilliyindən bəhs edən hesabat faktlarla ziddiyyət təşkil edir. Çin Böyük Britaniya Parlamentini “vahid Çin” prinsipinə və beynəlxalq münasibətlərin ümumi hüquqi normalarına riayət etməyə çağırır”, – diplomat Böyük Britaniyanın xarici işlər naziri Ceyms Kleverlinin Çinə səfəri fonunda dərc edilmiş Xarici Əlaqələr Komitəsinin hesabatını şərh edərkən deyib.
