“Vaqner” artıq daxili qoşunlarımıza təlim keçir - Belarus DİN

“Vaqner” qrupu taktiki-atəş hazırlığı tədbirləri çərçivəsində artıq Belarusun daxili qoşunlarının və  xüsusi təyinatlı hissələrinin döyüşçüləri ilə öz təcrübəsini bölüşməyə başlayıb.

Busaat.az xəbər verir ki, bu barədə Belarus Daxili İşlər Nazirliyinin daxili qoşunları komandanının müavini Sergey Qrebennikov məlumat verib.

Dünən DİN-nin mətbuat xidməti bildirib ki, idarə rəisi İvan Kubrakov “Vaqner”in nümayəndələri ilə görüşüb, Belarus bölmələrinin təlimi müzakirə olunub və əməkdaşlıq planı hazırlanıb.

“Daxili işlər nazirinin, daxili qoşunların komandanlığının, birlik komandirlərinin “Vaqner”in rəhbərliyi ilə görüşü olub. Həmin görüşdə biz birgə hazırlıqla bağlı bütün məsələləri müzakirə etdik.Artıq həmin birgə təlimə başlamışıq, həm taktiki, həm də taktiki-xüsusi atəş hazırlığı tədbirləri  həyata keçirilir”, – məlumatda qeyd edilir.

Qrebennikov əlavə edib ki, “Vaqner”in döyüşçüləri öz döyüş təcrübələrini məmnuniyyətlə bölüşürlər.

Busaat.az