“Vaqner” qoşunları Rusiya Müdafiə Nazirliyi ilə müqavilə bağlaya bilər - Kreml

Silahlı qiyamda iştirakdan imtina edən “Vaqner” özəl hərbi şirkətinin qoşunlarının bir hissəsi Rusiya Müdafiə Nazirliyi ilə müqavilə bağlaya biləcək.

Busaat.az xəbər verir ki, bu sözləri prezidentin Kremlin sözcüsü  Dmitri Peskov deyib.

“VAQNER”  qoşunlarının öz düşərgələrinə və dislokasiya yerlərinə qayıtması ilə bağlı razılıq əldə olunub. Onlardan bəziləri, əgər bunu etmək istəsələr, sonradan Müdafiə Nazirliyi ilə müqavilə imzalaya bilərlər”, – Peskov bildirib.

Peskov  həmçinin bildirib ki, “Vaqner” hərbi birləşmələrində bəzi döyüşçülər silahlı qiyamın əvvəlində fikirlərini dəyişib və dərhal geri qayıdıblar.

“Onlar hətta yol polisindən daimi dislokasiya yerlərinə qayıtmaq üçün kömək istəyiblər”, – Peskov qeyd edib.

Qeyd edək ki, iyunun 23-ü axşam saatlarında “Vaqner” özəl hərbi şirkətinin təsisçisi Yevgeni Priqojinin Telegram kanalı bir neçə audio yazı yayımlayıb və  onun birləşmələrinə zərbələr endirildiyini bildirib. Ppriqojin bununla bağlı ölkənin hərbi rəhbərliyini ittiham edib. Bundan sonra Rusiya Federal Təhlükəsizlik Xidməti (FSB) silahlı qiyam çağırışı ilə bağlı cinayət işi açıb.

Busaat.az