“Vaqner”Rusiya Müdafiə Nazirliyindən köməy istəyib

Rusiyanın “Vaqner” mühafizə şirkətinin muzdluları Rusiya Müdafiə Nazirliyindən dəstək istəyiblər.

Busaat.az xəbər verir ki, Rusiya mətbuatında yer alan xəbərlərdə Vaqner üzvü olduğu bildirilən muzdluların hazırladıqları video mesaja yer verilib.

Videoda avtomatik tüfəngli, üz maskası olan və kamuflyaj geyinmiş muzdlu əsgər Vaqnerə artıq sursat verilmədiyini iddia edib.

Lazımi sursatların Rusiya ordusunun anbarlarında olduğuna əmin olduqlarını bildirən muzdlu qeyd edib: “Rusiya Müdafiə Nazirliyindəki həmkarlarımıza və dostlarımıza səslənirik. Bizə ciddi sursatlar lazımdır. Bizi bu sursatla təmin etsəniz, çox minnətdar olardıq”.

Məsələ ilə bağlı Vaqnerin qurucusu Yevgeni Priqojin video ilə bağlı deyib: “Çəkilişdə Rusiya Müdafiə Nazirliyinin ünvanına böhtan xarakterli ifadə işlədilməyib”.

Muzdluların yalnız döyüş sursatı tələblərini dilə gətirdiklərini vurğulayan Priqojin, “Moskvada tanıdığım hər bir idarəyə baş çəkdim və uşaqlarımız lazım olanı alana qədər bu ziyarətləri davam etdirəcəyəm”, – deyə əlavə edib.

Busaat.az