ABŞ mətbuatının yazdığına görə, Rusiyanın muzdlu “Vaqner” qrupunun yaradıcısı Yevgeni Priqojin rus qoşunlarının yerlərini Ukraynaya satmağı təklif edib.
Busaat.az xəbər verir ki, ABŞ-nin “Washington Post” qəzeti Rusiyanın muzdlu “Vaqner” qrupunun yaradıcısı Yevgeni Priqojinin Ukraynaya ciddi təklif etdiyini iddia edib.
“Washington Post”un yazdığına görə, Priqojinin Ukraynanın Baxmut bölgəsindən qoşunlarını çıxarması müqabilində yanvar ayında həmin mövqelərə yerləşən Rusiya qüvvələrinin mövqeləri haqqında məlumatı satmağı təklif etdiyi və bu təklifin Ukrayna Kəşfiyyat Xidməti vasitəsilə edildiyi bildirilir. Xəbərdə Ukraynanın təklifi rədd etdiyi barədə məlumatlar yer alıb.
Xatırladaq ki, daha əvvəl Rusiya prezidenti Vladimir Putinlə yaxınlığı ilə tanınan Priqojin Baxmut bölgəsindəki Vaqner əsgərlərinin lazımi sursatları almadan bölgədən çəkiləcəyi ilə hədələyib. Vaqner lideri ötən həftə yaydığı səsli mesajda bildirib ki, o və əsgərləri bölgəni tərk etsələr, satqın sayılacaqlar.
Busaat.az
