Vaşinqton buna görə bizə təzyiq edir - Çin Xarici İşlər Nazirliyi

Çin dövləti ABŞ-ın Çin-Rusiya münasibətləri ilə bağlı tənqidini qəbul etmir və Vaşinqtondan Ukrayna probleminə məsuliyyətlə yanaşmağı tələb edir.

Busaat.az xəbər verir ki, bu sözləri Çin Xarici İşlər Nazirliyinin sözçüsü Vanq Venbin bildirib.

“Biz ABŞ-ın Çin-Rusiya münasibətlərinə dair tənqidi bəyanatlarını məqsədəuyğun hesab etmirik. Vaşinqton buna görə hətta bizə təzyiq edir. Biz bunu qəbul etmirik”, – Vanq əlavə edib.

Çinli diplomat əlavə edib: “Biz təkid edirik ki, Birləşmiş Ştatlar öz hərəkətlərini lazımi səviyyədə düşünməli və sülh danışıqlarının irəliləməsi istiqamətində real addımlar atmalıdır”.

Busaat.az