“Vaşinqton Çinin maraqlarını kobud şəkildə pozur”- Çin XİN

Pekin ABŞ-ın Çin şirkətlərinə qarşı tətbiq etdiyi sanksiyaları qəbul etmir və lazımi əks tədbirlər görəcək.

Busaat.az xəbər verir ki, bu sözləri Çin Xarici İşlər Nazirliyinin sözçüsü Mao Ning bildirib.

“Biz bu cür hərəkətlərdən son dərəcə narazıyıq və qəti etirazımızı bildiririk”, – çinli diplomat deyib.

“Pekin Çin bizneslərinin qanuni hüquqlarını qorumaq üçün lazımi tədbirləri görməyə davam edəcək”, – deyə Ning əlavə edib.

Diplomat bildirib ki, ABŞ-ın təzyiq göstərmək üçün yeni tədbirləri “zərrə qədər qanuni əsasa malik deyil” və BMT Təhlükəsizlik Şurası tərəfindən təsdiqlənməyib.

“Vaşinqton Çinin maraqlarını ciddi şəkildə pozur”, – sözcü bildirib.

Busaat.az